Ekadashi Aarti

Ekadashi Aarti in English

Om Jai Ekadashi, Jai Ekadashi, Jai Ekadashi Mata, Vishnu Pooja Vrat ko dhaaran kar, shakti mukti paata ॥ Om Jai Ekadashi…॥

Tere naam ginau Devi, bhakti pradaan karni, Gan gaurav ki deni Mata, shaastron mein varni ॥ Om Jai Ekadashi…॥

Margshirsh ke Krishna Paksh ki Utpanna, Vishvataarni janmi, Shukla Paksh mein hui Mokshada, muktidata ban aayi ॥ Om Jai Ekadashi…॥

Paush ke Krishna Paksh ki, Safala naamak hai, Shukla Paksh mein hoy Putrada, anand adhik rahai ॥ Om Jai Ekadashi…॥

Naam Shattila Maagh maas mein, Krishna Paksh aave, Shukla Paksh mein Jaya, kahaave, vijay sada paave ॥ Om Jai Ekadashi…॥

Vijaya Phagun Krishna Paksh mein, Shukla Aamlaki, Paapmochani Krishna Paksh mein, Chaitra maha bali ki ॥ Om Jai Ekadashi…॥

Chaitra Shukla mein naam Kaamada, dhan dene wali, Naam Varuthini Krishna Paksh mein, Vaishakh maah wali ॥ Om Jai Ekadashi…॥

Shukla Paksh mein hoy Mohini, Apara Jyestha Krishna Pakshi, Naam Nirjala sab sukh karni, Shukla Paksh rakhi ॥ Om Jai Ekadashi…॥

Yogini naam Aashaadh mein jaano, Krishna Paksh karni, Devshayani naam kahaayo, Shukla Paksh dharni ॥ Om Jai Ekadashi…॥

Kaamika Shravan maas mein aave, Krishna Paksh kahiye, Shravan Shukla hoy Pavitra, anand se rahiye ॥ Om Jai Ekadashi…॥

Aja Bhadrapad Krishna Paksh ki, Parivartini Shukla, Indira Ashwin Krishna Paksh mein, vrat se bhavsagar nikla ॥ Om Jai Ekadashi…॥

Paapankusha hai Shukla Paksh mein, aap haranahaari, Rama maas Karthik mein aave, sukhdayak bhaari ॥ Om Jai Ekadashi…॥

Dev Uthani Shukla Paksh ki, dukh naashak Maiyya, Paavan maas mein karu vinti, paar karo naiyya ॥ Om Jai Ekadashi…॥

Parama Krishna Paksh mein hoti, jan mangal karni, Shukla maas mein hoy Padmini, dukh daaridr harni ॥ Om Jai Ekadashi…॥

Jo koi Aarti Ekadashi ki, bhakti sahit gaave, Jan Gurditta Swarg ka vaasa, nishchay vah paave ॥ Om Jai Ekadashi…॥